Actividades
A Romaría da Virxe da Barca é unha cita ineludible que fusiona á perfección o relixioso coa alegría da festa e o ocio. Cada ano, grazas ao esforzo da Asociación Cultural Romaría da Barca de Muxía, créase un programa que respecta a tradición e ofrece diferente tipo de experiencias.
O día grande é sempre o domingo seguinte ao 8 de setembro (e antes do 15). Pero a celebración non se queda aí, xa que o programa festivo esténdese durante cinco xornadas de pura emoción. Dende o xoves ata o luns, Muxía énchese de vida con:
- Actuacións musicais e culturais para todos os gustos
- Espectaculares fogos artificiais que iluminan a noite muxiana
- O tradicional pregón que inicia a festa
- Solemnes oficios relixiosos na honra a nosa Virxe
- As animadas verbenas coas orquestras máis populares
Aínda que cada edición trae as súas propias sorpresas, o programa mantén sempre catro pilares fundamentais que nos conectan coa historia desta romaría. Ven a Muxía e vive unha das festas máis auténticas de Galicia!